32 ھەرپ, 32 ھەرپ يۈرۈشلۈك ماتىرىياللىرى, دەسلەپكى تەييارلىق, ساۋات چىقىرىش

«تاۋۇشلارنى يازالايمەن!» رەسىملىك كارتىلىرى

«تاۋۇشلارنى يازالايمەن!» رەسىملىك كارتىلىرى تاۋۇش پىلاكاتلىرى بىلەن بىر يۈرۈش ماتىرىيال بولۇپ، پىلاكاتلار ئارقىلىق تاۋۇشلارنى ھىس قىلىش، بىر سۆزنىڭ باش تاۋۇشى، ئاخىرقى تاۋۇشىنى تېپىش قاتارلىق ئويۇنلارنى ئويناش جەريانىدا بالىلار كۆرۈپ، تونۇۋالغان تاۋۇشلارنى ئىپادىلەيدىغان ھەرخىل بەلگىلەر يەنى ئانا ھەرپلەرنى تېخىمۇ ئىلگىرىلىگەن ھالدا ئۆگىنىش ۋە بالىلارنىڭ ئانا ھەرپلەرنى يېزىپ ئۆگىنىشى ئۈچۈن تەييارلاندى. بۇ كارتىلارنى بىر بەتتە ئالتە تاۋۇش پېتى ئىشلەتسەڭلارمۇ ۋە ياكى كارتا شەكلىدە كېسىۋالساڭلارمۇ بولىدۇ. لېكىن پىلاستىك يۈزلۈكتىن ئۆتكۈزۈپ ئىشلىتىشىڭلارنى تەۋسىيە قىلىمەن. پىلاستىك يۈزلۈكتىن ئۆتكۈزىۋالساڭلار ئاق دوسكا قەلىمى بىلەن ھەرپلەرنى قايتا قايتا يېزىپ، ئۆچۈرۈپ ئوينىيالايسىلەر. بۇ كارتىلارنى يەنە ھەرپ كارتىلىرى بىلەن ماسلاشتۇرۇپمۇ ئوينىيالايسىلەر.

بۇ تاۋۇش كارتىلىرىنىڭ PDF نۇسخىسىنى  بۇ يەردىن چۈشۈرۈڭ.

936 total views, no views today

32 ھەرپ, 32 ھەرپ يۈرۈشلۈك ماتىرىياللىرى, دەسلەپكى تەييارلىق, ساۋات چىقىرىش

تاۋۇش پىلاكاتلىرى

بۇ تاۋۇش پىلاكاتلىرى ساۋات چىقىرىشتىن بۇرۇنقى تەييارلىق ئۈچۈن سۈپەتلىك قىلىپ قايتىدىن تەييارلاندى. بۇ پىلاكاتلارنى بالىلارغا ئالما دېسەك ئا چىقىدىكەن ھە دەپ ئەڭ دەسلەپكى تاۋۇش دېگەننى ھېس قىلدۇرىۋاتقان ۋاقىتتا ئۆيگە، دەرسخانا تاملىرىغا ئېسىپ بېرىش ئۈچۈن تەييارلىدۇق. بۇ خىل پىلاكاتلار ساۋات چىقىرىشنىڭ ئەڭ زۆرۈر ماتىرىياللىرىدىن بىرى بولغاچقا ئاتا-ئانىلارنىڭ چوقۇم بېسىپ چىقىرىپ بالىلارغا تەييار قىلىپ بېرىشىنى تەۋسىيە قىلىمىز.

تاۋۇش پىلاكاتلىرىنىڭ PDF نوسخىسىنى بۇ يەردىن چۈشۈرۈڭ.

 

 

831 total views, 1 views today

دەسلەپكى تەييارلىق, ساۋات چىقىرىش

بالىمىزنىڭ ساۋادىنى قانچە يېشىدا چىقارساق مۇۋاپىق؟

كۆپلىگەن ئاتا-ئانىلار دائىم « بالام ئۈچ ياشقا كىردى..تۆت ياشقا كىردى...ساۋات چىقارسام بولامدۇ؟» ياكى « بالامنىڭ ساۋادىنى چىقىرىشنى قانچە يېشىدا باشلىسام مۇۋاپىق؟» دەپ سورايدۇ. مەن ۋەتەن سىرتىدا تۇغۇلۇپ، چوڭ بولىۋاتقان بالىلىرىمىزنىڭ ساۋادىنى قانچە ياشتا چىقىرىش ئۇلارنىڭ ئانا تىل ھازىرلىقى بىلەن مۇناسىۋەتلىك دەپ قارايمەن. بۇ ھەقتە ئويلىغانلىرىمنى تۆۋەندىكى ئۈن ھۆججىتىدىن ئاڭلىغايسىز.

788 total views, no views today

32 ھەرپ, 32 ھەرپ يۈرۈشلۈك ماتىرىياللىرى, دەسلەپكى تەييارلىق, ساۋات چىقىرىش

ھەرپ كارتىلىرى-كاۋاك نۇسخىسى

ئۇيغۇر تىلى ئېلىپبەسىدىكى 32 ھەرپنىڭ شەكىللىرىنىڭ ئىچى كاۋاك نۇسخىسى بىر A4 ئۆلچەمدىكى قەغەزگە تۆت تالدىن ئورۇنلاشتۇرۇلغان بولۇپ، ھەرپلەرنىڭ شەكىللىرىنى جەدۋەل سىزىقلىرى بويىچە كېسىپ ئېلىپ. ئايرىم-ئايرىم تەييارلىۋالساقمۇ ۋە ياكى بىر چوڭ بەت شەكلىدە ئىشلەتسەكمۇ بولىدۇ. بۇ كارتىلارنى ساۋات چىقىرىش دەرسلىكىدە بوياپ ئۆگىنىش، ئىزلاپ يېزىش ۋە كاۋچۈك لاي بىلەن ئىزلاپ ياساش قاتارلىق ئۆگىنىش پائالىيەتلىرىدە ئىشلىتەلەيمىز. پىلاستىك يۈزلۈكتىن ئۆتكۈزۈپ ئىشلىتىشىڭىزنى تەۋسىيە قىلىمىز. پىلاستىك يۈزلۈكتىن ئۆتكۈزىۋالغاندا، ئۈستىدىن ئاق دوسكا قەلىمى بىلەن بېسىپ يازساق ياكى بويىساق بولىدۇ. ئاندىن سۈرتىۋەتسەكلا بولىدۇ.

PDF ھۆججىتىنى بۇ يەردىن چۈشۈرۈڭ.

624 total views, no views today

32 ھەرپ, 32 ھەرپ يۈرۈشلۈك ماتىرىياللىرى, دەسلەپكى تەييارلىق, ساۋات چىقىرىش

ھەرپ كارتىلىرى

ئۇيغۇر تىلى ئېلىپبەسىدىكى 32 ھەرپنىڭ شەكىللىرى بىر A4 ئۆلچەمدىكى قەغەزگە تۆت تالدىن ئورۇنلاشتۇرۇلغان بولۇپ، ھەرپلەرنىڭ شەكىللىرىنى جەدۋەل سىزىقلىرى بويىچە كېسىپ ئېلىپ. ئايرىم-ئايرىم تەييارلىۋالىمىز. بۇ كارتىلارنى ساۋات چىقىرىش دەرسلىكىدە ھەرپلەر ۋە شەكىللەرنى تونۇتۇش، تاۋۇشلارنى ئويناش ۋە قوشۇپ يېزىشنى ئۆگىنىشتە قوللانساق بولىدۇ. چىداملىق ۋە ئىشلىتىشكە قولاي بولۇشى ئۈچۈن پىلاستىك يۈزلۈكتىن ئۆتكۈزۈپ ئىشلىتىشىڭىزنى تەۋسىيە قىلىمىز.

. PDF شەكلىنى بۇ يەردىن چۈشۈرۈڭ.

846 total views, 2 views today

32 ھەرپ, پېداگوگىكىلىق ئويۇنلار, دەسلەپكى تەييارلىق

تاۋۇش قۇراقلىرى

تاۋۇش قۇراقلىرى بىر ماسلاشتۇرۇش ئويۇنى بولۇپ رەسىملەر بىلەن ئۇلارنىڭ ئەڭ دەسلەپكى تاۋۇشىنى ماسلاشتۇرۇپ ئوينايمىز. تاۋۇش قۇراقلىرىنى يەنە تاۋۇشلارنى ۋە ئانا ھەرپلەرنى تونۇتىدىغان كارتا  قىلىپمۇ ئىشلىتەلەيمىز. بۇ ئويۇننىڭ ماتىرىيالى بولغان PDF ھۆججىتىنى بۇ يەردىن چۈشۈرۈڭ.

815 total views, 1 views today